Diplomatët perëndimorë janë alarmuar menjëherë nga deklaratat e bërë në Parlament nga ish-kryeministri Sali Berisha për armatosjen e popullsisë.
Menjëherë pas kësaj deklarate, në selinë e BE-së në Tirana është zhvilluar një mbledhje e rëndësishme e diplomatëve të SHBA-së dhe vendeve kryesore të Bashkimit Europian.
Siç mësohet, takimi nuk ka qenë protokollar por ka është thirrur si një e drekë punë, që gjithsesi nuk ka qenë e zakonshme.
Një herë në javë, ambasadorët kryesorë në Tiranë konsumojnë një drekë për t’u konsultuar dhe shkëmbyer mendimet mbi situatën në vend.
Zakonisht, dreka lihet ditën e fundit para pushimit, pra të premten ku bëhet një rezyme e javës dhe një përgatitje për javën e ardhshme.
Por takimi i sotëm është thirrur direkt dhe me alarm, i provokuar nga rritja e tensioneve në Kuvend dhe deklaratës mjaft tronditëse për armatosjen e popullsisë.
Siç mësohet, takimi është thirrur nga ambasadorja e Bashkimit Europian, Romana Vllahutin, dhe është biseduar gjërë e gjatë për situatën. Pritet që një dërgatë diplomatike të zhvillojë takime me kreun e opozitës shqiptare Lulzim Basha, dhe mbase edhe me doktor Berishën.
Situata është përshkallëzuar edhe nga jehona që i është dhënë në mediat e huaja deklaratës që e kthen Shqipërinë në kohën e vitit 1997, pikërisht kur u duk se gjërat po stabilizohen.
Agjencia amerikane e lajmeve Asociated Press, ka qenë e para që ka botuar lajmin se ish-kryeministri bën thirrje për armatosje masive.
Lajmi i AP më pas është publikuar në të gjitha gazetar e njohura të SHBA-së, si NY Times Washington Post etj.
“Ish-Kryeministri u kërkon shqiptarëve të armatosen në mënyrë që të përballen me qeverinë”, thekson agjencia amerikane në lajmin e shkurtër, por që duket ka depërtuar jo vetëm në opinionin publik por edhe në kancelaritë perëndimore.
Siç mësohet nga burime diplomatike, ambasadorët vendosën që pas takimit me kreun e opozitës do të shikohet dhe rruga sesi do të prononcohen në publik.
Nëse do të ketë një reflektim nga Basha por duke dhënë garanci për reformën, atëherë pritet që gjithçka të vazhdojë në mënyrë të qetë.
Përndryshe, sipas të gjitha gjasave ndërkombëtarët do të reagojnë fort, duke përmendur edhe emrat konkretë.
Tonet u ngritën shumë pas ardhjes së kryeministrit Edi Rama nga SHBA dhe angazhimit të Uashingtonit për reformën në drejtësi.
Në fjalën e tij në Parlament, kryeministri Rama tha se “opozita do ta votojë se s’bën reformën, madje edhe duke ngritur këmbën”. Ky qëndrim duket e ka irrituar Berishën, i cili u nis për një qëndrim paksa më drastil por tejkaloi masën, duke e pranuar edhe vetë në një farë mënyrë kur korrigjoi deklaratën. /tesheshi.com/
