“Qëllimi i Amerikës është të inkurajojë dialogun midis Serbisë dhe Kosovës dhe të tregojë se sa njerëz në rajon do të përfitonin nga gjetja e një zgjidhjeje për problemin e Kosovës”, tha ambasadori i ri amerikan në Beograd, Anthony Godfrey.
“Eshtë interesi i Amerikës të bëjë Ballkanin Perëndimor një vend stabiliteti dhe prosperiteti, ku respektohen vlerat demokratike, ku vendet respektojnë kufijtë dhe kanë marrëdhënie të mira”, ai tha për Radion dhe Televizionin serb.
Ai gjithashtu tha që BE kishte dërguar një sinjal të keq kur tha se po ndalonte procesin e zgjerimit.
“I dërguari amerikan i Ballkanit Perëndimor Matthew Palmer dhe unë, kemi biseduar dhe shprehur zhgënjimin që BE nuk ka ndërmarrë një hap përpara. Ishte një sinjal i keq”, tha ambasadori amerikan, duke u shprehur shpresëplot se ky kurs negativ i diktuar nga Franca do ndryshojë shumë shpejt.
Godfrey përsëriti se SHBA mbron që të gjitha vendet e rajonit të bëhen anëtare të BE-së, dhe veçanërisht ata që dëshirojnë ta bëjnë këtë. /tesheshi.com/
