Xhudoja kosovare e ka luajtur dhe njëherë rolin e një ambasadori të fuqishëm, duke marrë dy medalje ari në Lojërat Mesdhetare të Tarragonas në Spanjë.
Ka qenë e njohura Nora Gjakova ajo që rrëmbeu të artën e parë, pasi mposhti me Ippon në finale italianen, Miriam Boi në kategorinë 57 kilogramë.
Të artën tjetër e fitoi xhudistja Distria Krasniqi që garon në 52 kilogramë, e cila në finale e mposhti një tjetër italian, Odette Giuffrida.
Kujtojmë se Kosova për herë të parë merr pjesë në këto lojëra, ndërsa në Spanjë përfaqësohet me mbi 40 sportistë të 12 sporteve.
Lojërat Mesdhetare Tarragona 2018, filluan më 22 qershor dhe përfundojnë me 1 korrik.
Ato nisën me një precedent të pazakontë. Spanja nuk e njeh pavarësinë e Kosovës, por lejoi që flamuri i saj të ngrihet krahas gjithë të tjerëve në ceremoninë e hapjes. /tesheshi.com/
