Ambasada e Shteteve të Bashkuara të Amerikës në Tiranë ka kërkuar sugjerimet e shqiptarëve për temat dhe diskutimet që ajo do të përpilojë, në mënyrë që të ndihmojë sa më shumë dhe sa më mirë qytetarët.
Përmes një postimi në faqen e saj zyrtare në rrjetin social, Ambasada e SHBA-ve kërkon të dijë mbi nevojat e qytetarëve në lidhje me lotarinë amerikane, vizat studentore, shqetësimeve etj.
“Do donim të mësonim nga të gjithë ju për temat që ju intereson të diskutojmë vitin e ardhshëm. Ju nevojitet më shumë informacion për vizat e studentëve? Për lotarinë amerikane? Mbi sponsorët në Shtetet e Bashkuara? Na tregoni cilat janë temat më të rëndësishme për ju, në mënyrë që t’i përfshijmë ato në postimet gjatë vjeshtës”, shkruan Ambasada e SHBA-ve. /tesheshi.com/
