Ambasada amerikane në Tiranë vjen këtë javë me edicionin “Pyesni Konsullin”, për t’ju ardhur në ndihmë qytetarëve shqiptarë.
Në një postim në Facebook, kjo ambasadë njofton se “Pyesni Konsullin” është një përmbledhje pyetjesh dhe përgjigjesh të përzgjedhura dhe të përgatitura nga Seksioni Konsullor në lidhje me tema në interes për qytetarët shqiptarë, të cilët dëshirojnë të vizitojnë, apo të jetojnë në Shtetet e Bashkuara”.
“Ne duam të sigurohemi që aplikantët të kenë informacion të saktë dhe të përditësuar. Pyetjet për Seksionin Konsullor mund të depozitohen në anglisht ose në shqip. Para se të postoni pyetjen tuaj në “Pyesni Konsullin”, sigurohuni që të vizitoni Pyetjet e Shtruara më Shpesh në faqen e internetit të Ambasadës Amerikane (http://albanian.tirana.usembassy.gov/iaminquiringabout.html) për të parë nëse pyetjes tuaj tashmë i është dhënë përgjigje”, thuhet ndër të tjera në postim. /tesheshi.com/
