Ambasada e SHBA-së në Prishtinë përmes një deklarate me shkrim ka thënë se do të vazhdojnë të përkrahin Kosovën në aspiratat për anëtarësim në UNESCO. Qëndrimi i Uashingtonit vjen në një kohë kur mbarë opinionin kosovar po e përjetom me pezm dështimin e një dite më parë kur Kosova mbeti jashtë UNESCO-s vetëm për tre vota.
Deklarata e plotë e SHBA-ve:
Shtetet e Bashkuara e përkrahin fuqishëm Kosovën si një shtet multietnik, demokratik, të pavarur dhe sovran. Ndonëse rezultati i votimit të djeshëm që ia mohon Kosovës anëtarësinë në UNESCO ishte zhgënjyes, kjo nuk është një deklarim lidhur me pavarësinë e Kosovës dhe as reflektim i pozitës së saj në botë. Në të vërtetë, Ambasada e SHBA-ve në Prishtinë është e inkurajuar nga 92 votat “për” të cilat vërtetojnë rëndësinë e Kosovës në skenën ndërkombëtare. E dimë që Kosova është e përkushtuar ndaj punës së rëndësishme të bërë nga UNESCO-ja, sidomos në fushat si lufta kundër ekstremizmit të dhunshëm përmes arsimimit dhe promovimi i mbrojtjes së trashëgimisë së rrezikuar kulturore, dhe ne do të vazhdojmë të përkrahim Kosovën dhe popullin e saj në aspiratat e tyre për të marrë vendin e tyre të merituar si kontribues të paqës dhe stabilitetit në arenën globale, përfshirë në UNESCO.
(te sheshi.com)
