Ambasada Amerikane në Ankara ka mohuar ditën e hënë raportimet ku thuhet se Sekretari amerikan i Shtetit e paska paralajmëruar Turqinë se rrezikon praninë në NATO.
Washington Post ka publikuar një artikull ku John Kerry “paralajmëronte se Turqia rrezikon praninë në NATO, nëse braktis parimet demokratike dhe rendin ligjor pas dështimit të përpjekjes për grusht shteti.”
Disa media të tjera perëndimore, përfshirë Zërin e Amerikës, The Independent dhe PortlandPressHerald kanë publikuar më vonë të njëjtën histori.
Shumica e këtyre faqeve më pas i kanë ndryshuat kryetituj pasi Ambasada Amerikane e mohoi diçka të tillë.
Gjatë një konference për shtyp Kerry tha: “Shtetet e Bashkuara pa dyshim mbështesin nxjerren e autorëve para drejtësisë.”
Ai shtoi: “por ne bëjmë thirrje që të bëhet kujdes e të mos shkohet përtej kësaj, duke theksuar rëndësinë e mbështetjes së udhëheqjes demokratike.”
Zëdhënësi i Departamentit Amerikan të Shtetit, John Kirby, tha më pas se pavarësisht se NATO do ta shikojë me kujdes Turqinë, “është shumë herët për të thënë se anëtarësimi i saj është në rrezik”, raporton Washington Post.
Pas dështimit të përpjekjes së grushtit të shtetit që la mbi 200 të vdekur, janë pushuar nga puna 8,777 vetë.
Në mesin e tyre janë 30 prefektë, 52 inspektorë civilë dhe 16 këshilltarë ligjorë, njoftoi Ministria e Brendshme Turke. /tesheshi.com/
