Ambasada amerikane në Tiranë duket se nuk është entuziaste të përfshihet në hetimin e skandalit të CEZ, një kërkesë e bërë kjo një ditë më parë nga kryetari i Kuvendit, Ilir Meta. Qoftë edhe për shkak se akuzat politike në lidhje me skandalin janë të shumta, ambasada është shprehur për mediat që janë interesuar pranë saj, se prokuroria dhe policia shqiptare janë të vetmit përgjegjës për hetimin.
“Policia dhe prokurorët shqiptarë janë të vetmit përgjegjës për të drejtuar hetime në lidhje me çështje që ndikojnë popullin shqiptar dhe institucionet e tij”.
Zëdhënësi i ambasadës Ryan Roberts tha se SHBA mbështesin institucionet ligjzbatuese në Shqipëri.
“Shtetet e Bashkuara do të vazhdojnë të mbështesin institucionet ligjzbatuese të Shqipërisë në përpjekje për të ngritur kapacitetet dhe efektshmërinë e tyre. Nepermjet zyrës së OPDAT. Ambasada ofron këshilla ekspertësh, promovon reforma dhe nxit veprime të ndjekjes penale kundër korrupsionit”, theksoi ai. /tesheshi.com/
