Kënga e përvajshme e kurbetit, “Aman Gjermani…”, ka gjetur shprehje në rastin e humbjes së jetës së babë e bijë nga Kosova. Ngjarja tragjike ka ndodhur në afërsi të Dunningenit, ku një 26-vjeçar dhe vajza e tij 4-vjeçare kanë mbetur të vdekur, ndërsa një vajzë e dytë e viktimës është çuar me helikopter në spitalin e Freiburgut në gjendje të rëndë shëndetësore.
Mediat gjermane shkruajnë se automjeti i tipit BMW-, të cilën po e ngiste kosovari, është përplasur në mënyrë ballore me një kamion pasi doli në korsinë e kundërt. Sipas informacioneve të medias, bëhet e ditur se viktimat janë nga komuna e Deçanit.
Ditë më parë, një tjetër aksiden tragjik gurbetçarësh ndodhi në afërsi të Suharekës, ku pothuajse një familje u shua, burrë e grua me tre fëmijë, pasi kishin ardhur me pushime në Kosovë nga kurbeti. /tesheshi.com/
