Sulmuesi spanjoll, që dy vite më parë do të kalonte në radhët e Juventusit në Itali, është rikthyer në vendin e tij, ku do të luajë sërish për gjigandët e Realit të Madridit. I blerë për 20 milionë euro nga torinezët, Morata, me paraqitjet e tij, do ta detyronte Realin ta rimerrte për 30 milionë euro.
Me largimin e tij, Morata ka përcjellë nëpërmjet medias sociale dhe faqes së tij zyrtare një mesazh për Juventusin, e për të gjithë ata që e ndihmuan në punën e vet.
“Mbetem i prekur nga ekipi,” ka shkruar ai për Juventusin, “nga historia e tij, e nga të gjithë ju. Kudo që të gjendem, do të mdjehem gjithmonë juventin, e mund të them me krenari se vesha fanellën e isha kampion me këtë ekip.”
“Faleminderit që më lejuat të jem pjesë e kësaj familjeje. Faleminderit çdokujt që punon te Juventusi…, faleminderit familjes Juventus.”
“Dhe faleminderit, sigurisht, tifozëve të Juventusit në tërë botën për mbështetjen e madhe dhe dashurinë pa kushte karshi meje.”
“Faleminderit trajnerit që pati besim në mua dhe më bëri një lojtar më të mirë, kapitenëve për kujdesin ndaj meje, shokëve të skuadrës për të gjitha ditët e çuara së bashku, sepse pati fitore të pabesueshme trofesh me ta.”
Të hënën, Itali dhe Spanja do ndeshen mes tyre në një të tetat e Euro 2016-tës, dhe Morata do të vihet përballë disa prej ish-shokëve të skuadrës te Juventusi, Buffon-it, Bonucci-t e Chiellini-t. /tesheshi.com/
