Deputeti “tradhëtar” i LSI-së Ralf Gjoni, aludoi se pas aktit të gjuajtjes me bojë ndaj tij, mund të jetë gruaja që drejton partinë ku ai aderon, Monika Kryemadhi. Pa ia artikuluar emrin, por një “ajo”, Gjoni tha se kjo është një sjellje rrugaçërie që nuk e tremb.
“Duke dalë nga shtëpia tek dera e pallatit, kisha edhe vajzën lart me mamanë, një djalë po priste tek kafja ngjitur me derën e shtëpisë dhe çohet në këmbë më afrohet dhe më hedh bojë me anë të një shiringe.
Nuk e prita dhe më frikësoi në fillim se ishte e papritur por dua të them që ai dhe ajo që e ka përsëritur këtë lloj sjellje rrugaçërie duhet ta dinë që unë këtu dhe kam ardhur për t’u betuar dhe nuk frikësohem për asnjë moment për këtë lloj destabilizimi që po përpiqen të mbjellin në vendin tonë. Jam këtu që të përfaqësoj të gjithë ata të rinj, të reja pozitivë, prindër fëmijësh që kanë shpresë se ky vend mund të bëhet”, tha Ralf Gjoni në një prononcim për gazetarët jashtë ambienteve të Kuvendit.
Nga ana tjetër, një pjesë e medias kanë sjellë në kujtesë përbetimin e pak ditëve më parë të znj.Kryemadhi, drejtuar të gjitë atyre që pranojnë të marrin mandatin e deputetit nga radhët e partisë së saj.
“Të jenë të kujdesshëm se nuk ka për t’jua falur asnjeri, tradhtarë”, ka deklaruar Kryemadhi. /tesheshi.com/
