Përplasjevet fundit brenda Vetëvendosje-s dhe mosdakordimi i dy blloqeve në takimin e fundit për të rrugëtuar së bashku, së shpejti pritet të prodhojë një parti të re në Kosovë.
Krahu anti-Kurti, siç ka mësuar gazeta “Zëri”, së shpejti pritet ta formojë një parti e cila do të quhet “Alternativa Socialdemokrate” dhe do të drejtohet nga ish-kryetari i VV-së, Visar Ymeri.
Siç hamendësohet, kjo parti rioshe pritet t’i rrëmbejë Vetëvendosjes-s më shumë se 10 deputetë, pjesa dërmuese e të cilëve tashmë ka dhënë dorëheqje nga pozitat drejtuese të saj.
Një akt i tillë pritet të vijë pas përfundimit të procesit të zgjedhor brenda Lëvizjes. Të pyetur rreth kësaj çështjeje, deputetë të krahut anti-Kurti nuk kanë dashur të komentojnë, megjithatë kanë pohuar se pas përfundimit të zgjedhjeve të brendshme (që do të mbahen të dielën), do të tregojnë se si do të veprojnë më tutje.
Ndërkaq, deputetë të rreshtuar kah Albin Kurtit, janë shprehur optimistë se mes dy grupimeve do të arrihet pajtimi. /tesheshi.com/
