Pas fillimit të luftës ndërmjet Rusisë dhe Ukrainës, pati mungesë të grurit dhe një rritje prej 40 për qind të çmimit të bukës, gjë që i detyroi furrtarët në Kamerun t’u drejtohen zëvendësuesve vendas, raporton Anadolu Agency (AA).
Qeveria e Kamerunit ka vendosur ndalimin e eksportit të disa produkteve të drithërave për të ruajtur ekuilibrin e çmimeve në mes të luftës rus-ukrainase.
Më pas, shteti i Afrikës Qendrore inkurajoi zëvendësuesit vendas, si kasava, për të zëvendësuar grurin që zakonisht importohet nga Rusia dhe Ukraina.
Në një vend që importon sa gjysmën e grurit të kërkuar nga Rusia dhe Ukraina, furrtarët kanë filluar të prodhojnë bukë nga mielli i kasavës, një bimë e famshme nga rrënjët e së cilës përftohej tapioka, një lloj niseshteje që përdoret në dietë.
Njëri prej tyre, Guy Marcel Nganta, i cili jeton në kryeqytetin e Kamerunit Yaounde, tha se krizat mund të krijojnë mundësi.
“Afrikanët nuk mund të bëjnë asgjë nëse nuk bashkohen,” tha ai.
Duke thënë se qeveria duhet të subvencionojë prodhimin e kasavës, Viviane Teguia, presidente e Shoqatës së Qytetarëve, tha:
“Përdorimi i miellit të kasavës në prodhimin e bukës kursen 10 milionë dollarë në vit”.
Ukraina është eksportuesi i pestë më i madh në botë i grurit dhe ndër tre vendet e para në prodhimin e misrit, elbit dhe farave të lulediellit.
Organizata e Kombeve të Bashkuara për Ushqimin dhe Bujqësinë (FAO) vlerëson se 20 për qind e sipërfaqes së mbjellë në Ukrainë nuk do të korret në korrik, ndërsa analistët e tregut të drithërave vlerësojnë se sipërfaqja e mbjelljes në pranverë do të jetë rreth një e treta më e vogël se zakonisht. /tesheshi.com/
