Alpinisët kosovarë arrijnë të pushtojnë majën më të lartë të Afrikës, Kilimanxharon. Sipas një njoftimi për shtyp, Klubi Alpin “Prishtina” bën me dije më 7 mars 2016, në ora 7:30 më sukses të plotë ka arritur që të ngjitet në majë të Kilimanxharos, Uhuru e lartësisë 5.895 lmd.
Janë 20 alpinistë që e kanë arritur këtë sukses kaq të madh, mes tyre dhe 8 femra të cilat janë: Arineta Mula, Afërdita Tahiri, Floriana Bajrami, Blerta Ahmeti, Merita Gashi, Dafina Bucaj, Yllka Nuhiu dhe Zejnep Soysuren. Kjo e fundit është një kurde me nënshtetësi suedeze, e cila aktualisht është antare e KA dhe ka udhëtuar që nga Suedia për t’u bërë pjesë e kësaj ekspedite në Afrikë.
Në njoftim thuhet se “uniteti, bashkëpunimi dhe energjia pozitive në grup bëri që numër shumë i madh i guidave dhe ndihmësve të Tanzanisë të vihen në shërbim dhe të vlerësojnë një grup të tillë.” /tesheshi.com/
