Fernando Alonso, piloti i McLaren-it, nuk do të jetë në gjendje të pilotojë në garën e dytë sezonale të F1-shit për shkak të problemeve shëndetësore.
Aksidenti i dy javëve më parë në Melburn, ku spanjolli shpëtoi fatmirësisht pasi makina e tij u bë copash, ka lënë shenjë te piloti. Shqetësimet në kraharorin e tij kanë bërë që mjekët e FIA-s të mos e lejojnë të garojë këtë fundjavë në Bahrejn.
“Pas një ekzaminimi të bërë këtë mëngjes, u vendos që piloti i skuadrës McLaren Honda, Fernando Alonso, të mos marrë pjesë në garën e Bahrejnit,” thotë një deklaratë e FIA-s.
“E kuptoj pozitën e mjekëve të FIA-s,” ka deklaruar Alonso, duke pranuar vendimin.
I pyetur në do të jetë në gjendje të garojë në Kinë, spanjolli është shprehur se nuk di ta thotë me siguri, “Nuk është 100 për qind (e sigurt). Në tetë apo dhjetë ditët e ardhshme do kem nevojë për një test tjetër, e pastaj FIA do të japë vlerësimin përsëri, siç bëri sot.”
Për McLaren-in do të deputojë në Bahrejn piloti rezervë Stoffel Vandoore. /tesheshi.com/
