Deputetja kosovare, Alma Lama, vajzë Kruje e nuse Kosove, e cila e nisi karrierën e saj si gazetare e Top Channel, derisa u largua si “e padëshiruar”, e jo vetëm profesionalisht, nga Sokol Balla, po bëhet gati të veshë kostumin e diplomates si ambasadore në Romë.
Sigurisht që tronditja e parë vjen nga fakti se asgjë prej diplomateje nuk mund të haset në performancën e saj publike. Përkundrazi, mungesa e diplomacisë, qoftë dhe asaj të mirëfilltë njerëzore, është ulëritesë në qenien e saj.
Dhe jo më kot ndodhi që kjo lëvizje e re e Lamas, ka sjellë një reagim tragresiv nga të gjitha palët, si nga partia që e ka nisur karrierën, Lëvizja Vetëvendosje, ashtu dhe nga partia që militon tani, Lidhja Demokratike e Kosovës.
Gjithashtu ka një reagim edhe nga publiku i gjerë, që përgjithësisht dominohet nga ngjyrat ironike dhe tallëse, madje me tone edhe jashtë etikës, deri tek kritikat e akuzat.
Shkurt, duket se Alma Lama nuk ka ngjitur siç duhet në Kosovë.
Një akuzë e rëndë që i hidhet me shumicë në rrjetet sociale, është ajo e trafikimit të votës në favor të Hashim Thaçit-President.
Në fakt Lama, përpara se Thaçi të zgjidhej, u betua se nuk do ta votonte kreun e PDK-së si kryetar i shtetit të Kosovës.
Por më pas ajo votoi si shumë nga kolegët e saj të LDK-së.
Dhe fill pas zgjedhjes së Thaçit në postin më të lartë të Republikës, ky i fundit e dekretoi Alma Laman si ambasadore e Kosovës në Itali.
“Gjyqin” në radhë të parë ia përgatiti ish-partia e vet, Lëvizja Vetëvendosje.
Deputeti kontroversal i VV-së, Fisnik ISmaili, shkruajti në Facebook: “Nuk jam asi që gëzohem edhe s’di mu ndalë tuj u mburrë, kur dalin fjalët e mia. Madje, përkundrazi, më kap njëfarë pikëllimi, diqysh, se më dhimbet njeriu që nuk më ka dëgjue kur kam folë. Sinqerisht.
Sot po më dhimbeni krejt ju që hala keni mendue se Alma Lama mundet me qenë njeri i sinqertë e i drejtë, me qëllime të pastra. i duel, më në fund, edhe kësaj bisha, që me ia pa edhe krejt ju që refuzojshit me dëgjue.
Përrç njeri. S’ka tjetër fjalë.
Alma, për me mbërri në Romë, duhesh me kalue kah Pescara”.
Më pas, sulmi ka ardhur nga një kolege e Almës në Lidhjen Demokratike e Kosovës.
Donika Gëvalla, kreu i degës së LDK-së në Gjermani tregohet më shumë se e ashpër.
Në një postim në faqen e saj të Facebook, Gërvalla që publikon edhe një foto jo shumë të hijshme të Lamas shkruan: “Ç’ka nuk dëgjon njeriu … Kosova vërtet vuan për shumëçka, por më së shumti për njerëz me karakter dhe dinjitet”.
Kurse deputetja e Vetëvendosjes, Puhie Dermaku, e cila e ka thirrur Laman në komision për intervistë, ka qenë akoma më therrëse.
Dermaku ka renditur një sërë pyetjesh për ta ulur Lamën, duke i kërkuar të dhëna për Italinë, Vatikanin, marrëdhëniet me Kosovën, që kandidatja për ambasadore nuk iu është përgjigjur.
Dhe çështje më interesantja, në të gjitha këto sulme, një nga “bashkëluftëtaret” e Alma Lamas, Arbana Xharra ka qenë mbështetëse e flaktë.
Edhe profesionalisht, duke e gjykuar tashmë si një diplomate, gjuha e saj e komunikimit publik nuk ka përçuar kurrë ndonjë talent a dhunti për të qenë e tillë, aq më tepër në Itali. E vrazhdë, zevzeke, me mungesë të theksuar etike, pa ndonjë të dhënë kulturore imponuese, ajo më së pari nuk mundi të jetë një ambasadore e popullit të vet, pasi nuk arriti ta bëjë që ta dojë. Por duhet të presim për të parë nëse do ta duan edhe italianët. /tesheshi.com/
