Çështja e mosshënimit ende të asnjë goli nga Ronaldo me fanellën e Juventusit, po shqetëson gjithëkënd në botën e futbollit, por jo trajnerin Massimiliano Allegri. Ai beson se këtë të dielë, ylli portugez që i ka dhënë jetë Serisë A, do e thyejë akullin përballë Sasulos.
“Cristiano ka punuar mirë dhe mendoj se do të shënojë. Unë nuk pres asgjë më shumë se ai nga ajo që bëri në tre ndeshjet e para. Unë besoj se ai do të shënojë nesër”, tha Alegri.
Më tej, trajneri juventin është shprehur se padyshim, Ronaldo është shumë më lart se Modriç e Salah.
“Pa ndonjë rezerva ndaj Luka Modriç, unë do t’ja jepja Ronaldos ‘Topin e Artë’ për atë që ai bëri sezonin e kaluar. Mendoj se e meritonte. Ai është më i mirë se Mohamed Salah dhe Modriç”, tha Allegri. /tesheshi.com/
