Deputeti ballist Adriatik Alimadhi, një nga personat VIP në Shqipëri që u infektua me koronaviorus, ka përcjellë një hatërmbetje të fortë ndaj kokave të krahut opozitar të cilit i përket, Metës e Bashës, që siç tha, nuk i kanë bërë qoftë dhe një telefonate në ditët e vështira të tij në betejë me koronavirusin.
Presidenti solidarizohet për vdekje që ndodhën në botë apo me qenin në Kosovë dhe nuk tha asnjë fjalë solidare jo vetëm për mua, por për gjithë shqiptarët. Po lideri i opozitës ku është? Po pse të ndarë duhet të jenë shqiptarët? Politika këtu te ne është hasmëri. More mandatin dhe je i ligë”, tha Alimadhi në një intervistë për A1 Report, tashmë që ia hodhi sëmundjes e po kthehet në normalitet.
Ai druan se vetëm po të vdiste mund të shpreheshin ngushëllime për të
“Po si more zotëri kur të ndahem unë nga jeta do të japësh mesazh ngushëllimi ti?”, tha Alimadhi, referuar pra Metës dhe Bashës.
Kujtojmë që deputeti ballist është i ardhur nga “Lista Basha”, duke u bërë pjesë e opozitës së re. /tesheshi.com/
