Në qytetin e Durrësit lëvizin lirshëm 62 automjete të blinduara. Deklarata është bërë nga deputeti demokrat Enkelejd Alibeaj, në një kohë kur policia ka nisur operacionin “Vjeshtë 2017” që synon bllokimin e mjeteve luksoze që mund të jenë të trafikuara ose që pronarët e tyre nuk justifikojnë bllerjen.
Alibeaj tha se Drejtori i Përgjithshëm i Policisë së Shtetit, Haki Çako edhe pse është në dijeni të një fakti të tillë, nuk ka guximin për të sekuestruar mjetet dhe për të hetuar rreth emrave që i zotërojnë ato.
“Janë 62 makina të blinduara në Durrës, shkoni kapini po ua mbajti”, tha Alibeaj.
Deputeti demokrat tha se Drejtori i Përgjithshëm i Policisë së Shtetit duhej të ishte shkarkuar pas ngjarjes në Elbasan, ku dhe u godit makina e zv/drejtorit të policisë dhe efektivët nuk arritën të reagojnë apo të arrestojnë autorin. /tesheshi.com/
