Enkelejd Alibeaj as që e vuri në diskutim që kryetari i PD-së është ai e jo Berisha, pa e përmendur me emër këtë të fundit, të cilin, si një i ardhur nga një familje e persekutuar, e cilëson komunist.
Tre ditë pas gjykata i dha të drejtë ankimit të tij për mosnjohje të Berishës si kryetar partie, Alibeaj deklaroi se fokusi për ta këtej e tutje janë zgjedhjet vendore të 14 majit.
“Kam propozuar dhe gjeta një mirëkuptim që vendimi i Gjykatës së Apelit nuk përbën ndonjë moment triumfi apo fitimi. Nuk përbën një moment revanshi. Është moment i ngarkimit me një përgjegjësi historike. Është momenti më i mirë që struktura e PD-së të marrë energji të reja… Fokusi kryesor nga këtej e tutje janë zgjedhjet e 14 majit. E kemi detyrim”, tha ai.
I pyetur nga gazetarët nëse ndihet kryetar i PD-së, ai u përgjigj:
“Jo vetëm jam, por ndihem drejtuesi i PD-së, ushtruesi i detyrës, dhe jo vetëm sot por që nga momenti që zoti Basha bëri të ditur dorëheqjen,” deklaroi ai. /tesheshi.com/
