Kreu i muslimanëve në Turq, Presidenti i Drejtorisë për Çështje Fetare, Ali Erbas, u dërgoi një letër udhëheqësve fetarë myslimanë me rastin e hapjes, pra rifillimin e përdorimit të Hagia Sophia si xhami.
Erbas theksoi në letrën e tij se Hagia Sophia po përjeton një nga rilindjet e saj.
“Përveç që është një nga ndërtesat më të vjetra në Stamboll, Hagia Sophia është një kryevepër që ka dëshmuar historinë e këtij rajoni gjatë 15 shekujve të fundit,” tha ai.
Ai vuri në dukje se muslimanët kishin vuajtur për Hagia Sofia për 86 vjet dhe kishin treguar vuajtjet e tyre përmes protestave paqësore, këngëve dhe shfaqjeve teatrale.
“Faleminderit Zotit, internimi i Hagia Sophia-s mbaroi. Me këmbënguljen e presidentit tonë, është shndërruar në një vend ku mund të kryhet sexhdja. Ringjallja e Hagia Sophia-s do të jetë një burim shprese për të shtypurit dhe shenjë e parë të rishfaqjes së civilizimit tonë”, tha Erbas.
Në fund të letrës së tij, ai uroi Bajramin dhe shprehu dëshirën e tij për të kryer një lutje në Hagia Sophia së bashku me udhëheqësit fetarë sa më shpejt që të jetë e mundur. /tesheshi.com/
