Kreu i BDI-së në Maqedoninë Veriore, Ali Ahmeti, ka vijuar të promovojë idenë e tij për një kryeministër shqiptar, e kjo pasi një shqiptar po drejton prej trre vjetësh dhe parlamentin maqedon.
“Ne kemi pjesë të barabartë në historinë, trashëgimin, në ekonominë dhe në të ardhmen e vendit tonë. Tani është koha për barazi të plotë, për marrje të përgjegjësisë për të prirë. Është koha për kryeministrin e parë shqiptarë në Maqedoninë e Veriut”, thotë Ahmeti në një video-mesazh.
Sipas tij, kjo është plotësisht e mundur në rastin e shqiptarëve, thënë kjo prej tij me një patetizëm folklorik.
“Ne shqiptarët kemi ëndërruar për liri, për barazi dhe luftuam që kjo ëndërr të bëhet e vërtetë. Sepse kur besojmë në diçka, ne jemi të gatshëm të sakrifikojmë gjithçka. Si shqiptarët, ne kemi ditur gjithmonë se si të bashkohemi për qëllimet e përbashkëta, kur ka qenë e rëndësishme dhe vendimtare, gjatë luftës, gjatë krizës dhe gjatë përpjekjeve tona të pandalura për barazi dhe integrim”, thotë Ahmeti. /tesheshi.com/
https://www.facebook.com/AliAhmetiOfficial/videos/3493218660707360/?t=93
