Para disa ditësh, ashtu siç njofton gazeta “Lajm”, në mbledhjen e Këshillit të përgjithshëm të BDI-së ka plasur sherri. Për dallim nga herët e tjera, kësaj rradhe në qendër të vëmendjes nuk ishin deputetët apo funksionarë tjerë të BDI-së, por situata ka shkuar aq larg saqë ka reaguar edhe kryetari i kësaj partie, Ali Ahmeti. Thuhet që Ahmeti nuk ka pasur retorikë diplomatike, por i është kundërpërgjigjur shkurt dhe qartë nënkryetarit të Parlamentit, Rafiz Halitit, se nëse nuk i respekton vendimet e BDI-së atëherë do ta përjashtojë nga partia.
“Mësues, duhet ta kuptosh njëherë e përgjithmonë se BDI-ja është parti tepër demokratike, por në Angli partia llaburiste dhe ajo konzervative kanë status të qartë, se nëse një funksionarë nuk e respekton vendimin e partisë, atëherë përjashtohet. Edhe ju, për shkak të deklaratave të fundit, e kam atë të drejtë që t’ju përjashtojë nga partia. Jun a keni nxjerrë tepër telashe së bashku me Ermirën, pasi nuk rrespektoni vendimet e partisë. Një gjë merremi vesh, dhe tjetër ndryshe veproni. Kjo më nuk ka kuptim”. Kështu ka theksuar Ahmeti para të pranishmive në mbledhjen e Këshillit të përgjithshëm duke iu drejtuar nënkryetarit të Parlamentit, Rafiz Halitit.
Debati mes Ahmetit dhe Halitit u tensionua pasi një funksionarë i BDI-së nga rajoni i Gostivarit i kërkoi kryetarit të BDI-së, që Ermira Mehmeti dhe Rafiz Haliti o të qëndrojnë në BDI dhe t’i respektojnë qëndrimet partiake, apo në të kundërtën të largohen nga partia. Kjo kërkesë e funksionarit nga Gostivari bëri që Ahmeti t;i kundërpërgjigjet nënkryetarit të Parlamentit se më nuk mund të tolerohen qëndrimet individuale. /tesheshi.com/
