Ali Ahmeti: Ivanov ta rishohë vendimin për mandatin, nuk bëhet eksperiment me shtetin

Vizita e fundit e përfaqësueses së lartë të BE-së për politikë të jashtme, Federica Mogherini në Shkup dhe vendimi i Ivanovit për të mos i dhënë mandatin liderit të LSDM-së, Zoran Zaev ka bërë që Bashkimi Demokratik për Integrim të mbledhë sot kryesinë qendrore.

Në hyrje të selisë së partisë, në Reçicë të vogël, kreu i BDI-së, Ali Ahmeti deklaroi se partia e tij do vazhdon të menaxhojë me situatën politike në Maqedoni, ndërsa njëkohësisht i bëri thirrje presidentit Ivanov të rishqyrtojë vendimin, sepse nuk bëhet eksperiment me shtetin.

“Edhe tash e tutje ne do menaxhojmë përsëri me situatën por jo edhe duke bërë kompromise në dëm të MO-së dhe në dëm të shqiptarëve. Ne sot do ti shqyrtojmë të gjitha mundësitë kushtetuese, se si janë ato të parashikueshme me kushtetutë dhe ne mendojmë që zoti Ivanov duhet të jetë i kujdesshëm, ta rishqyrtoj edhe njëherë pozicionin e tij sepse këtu nuk duhet të bëhet eksperiment me shtetin me paqen…Ne do bëjmë thirrje deri te Zoti Ivanoiv që ai edhe njëherë të rishqyrtoj pozicionin e tij dhe të shoh mundësit reale në zbatim të kushtetutës të RM-së. Në interes të askujt nuk shkon bllokimi i shtetit dhe bllokimi i institucioneve”, deklaroi kryetari i BDI-së Ali Ahmeti.

Ndryshe, BDI kishte paraparë që të mbledhë kryesinë për të vendosur nëse do të jenë pjesë e Qeverisë me LSDM-në, apo do të mbesin në opozitë. Mirëpo, vendimi i Ivanovit ndryshoi rrënjësisht gjërat, duke krijuar një situatë pa rrugëdalje. M.Krasniqi