Kreu i BDI-së, Ali Ahmeti për herë të parë në emisionin Jeta në Kosovë të gazetares Jeta Xhara, ka pranuar se bashkëqeverisja me VMRO-DPMNE-në, partisë së tij i ka kushtuar një kosto të lartë, me ç‘rast në zgjedhjet e fundit kanë humbur mbi 80 mijë vota, gjegjësisht 9 deputetë. Mirëpo sipas tij, nuk pendohet për një gjë të tillë, meqenëse në këtë formë të veprimit duke qëndruar brenda institucioneve ka evituar eskalimin e situatës dhe përplasjet eventuale ndërmjet shqiptarëve dhe maqedonasve.
“Të qenurit 2 vite e gjysmë në ekzekutivin, në bashkëqeverise me VMRO-në ne paguajtëm një kosto të lartë në këto zgjedhje. Mirëpo alternativa më e mirë cila ishte a të braktisnim institucionin dhe mos të menagjojmë me situatën ku ne do të përfitonim pikë politike dhe të ruanim 153 mijë votuesit, apo ta braktisnim situatën dhe të bëheshim sehirgji. Kjo domethënë se ne vendosëm që të paguajmë çmim dhe të menaxhojmë me situatën duke mos e lënë vendin të devijojë deri në një përplasje qoftë brenda një etnie apo brenda dy etnive më të mëdha, shqiptarëve dhe maqedonasve. Ju dhe opinioni juaj që ta dinë të vërtetën, ne kemi paguar çmim në të qenurit në bashkëqeverisje me VMRO-DPMNE-në, kaq”, ka deklaruar Ali Ahmeti.
M.Krasniqi – /tesheshi.com/
