Një sfidë e re dhe shumë serioze e pret prokuroren speciale të Maqedonisë, Katica Janeva. Duke i’u referuar portalit maqedonas, “OhridSky”, thuhet se FBI-ja amerikane dhe BIA serbe (Agjencia e Sigurisë Informative), do t’i dorëzojnë materiale që kanë të bëjnë me aktivitet krimiminal të qeverisë së VMRO-DPMNE-së, ku si frontmenë kryesorë në të gjitha marrëveshjet e dyshimta paraqitet ish-ministri i Transportit dhe Lidhjeve, Mile Janakievski, së bashku me kumbarin e tij, i cili është një prej maqedonasve më të pasur me prejardhje nga fshati Vërbjan – Debarcë, Ljupço Todorovski-Radnik, shefi i kabinetit të ish-kryeministrit Nikolla Gruevski; Martin Protuger, ish-ministrja e MPB-së, Gordana Jankullovska; biznismeni kontrovers, Orce Kamcev; ish-ministri i Shëndetësisë, Nikolla Todorov; kryetari i komunës Aerodrom, Ivica Konevski; ish-deputeti i VMRO-së, Ilija Kitanovski; si dhe 40 funksionarë lartë të rankuar partiakë të VMRO-DPMNE-së.
Por në listën e hetimit, sipas po këtij burimi, gjenden dhe dy shqiptarë, të cilët nuk janë disido, por vetë kokat e politikës: lideri i BDI-së parti në pushtet, Ali Ahmeti; së bashku me kreun PDSH-së opozitare, Menduh Thacci.
Materialet të cilat FBI dhe BIA do t’ia dorëzojë prokurores speciale, Katica Janeva nuk janë pjesë e “bombave” të kryetarit të LSDM-së, Zoran Zaev.
Në këto materiale gjenden edhe videoinccizime nga më tepër ngjarje, po edhe ato që i atakojnë më së shumti shqiptarët, siç janë rasti “Monstra” dhe “Lagjja e Trimave”.
Një diplomat i lartë për siguri ka bërë të ditur për “OhridSky” se prokurorja speciale, Katica Janeva dhe familja e saj, janë nën mbikëqyrje sigurimi të vazhdueshëm 24 orë nga forcat speciale të SHBA-ve. Trajtim të njëjtë sipas tij do të ketë edhe stafi i prokurores.
M.Krasniqi – /tesheshi.com/
