Një burrë algjerian që banon në Palma Majorca në Spanjë, është bërë hero në shtypin lokal, pasi ka dorëzuar një qese me një shumë të madhe me euro, të cilën e ka gjetur në rrugë.
Sipas mediave lokale, Hawari Saadinit, i cili është banor i Spanjës që nga viti 2001, është një “hero” dhe “i guximshëm”.
Saadini është përmendur si një shembull i integritetit moral algjerian dhe arab.
Vlera a qesës është llogaritur në 77,000 Euro. Nga shuma, 20,000 euro ishin në monedhë, ndërsa pjesa e mbetur ishte në formë të çeqeve dhe rrobave të reja.
Saadini ishte befasuar nga ajo që kishte gjetur, por nuk ngurroi ta dorëzonte në stacionin më të afërt të policisë me shpresën për të gjetur pronarin e saj të ligjshëm.
Qesja i përkiste një gruaje rumune 37 vjeçare, e cila punon për një agjenci ndërkombëtare të pasurive të patundshme. Policia e ka thirrur që të hetojë burimin e saj të parave.
Saadini konfirmoi se instinkti i tij për dorëzimin e parave ishte falë mësimeve islame, rritjes së tij si mysliman dhe vlerave të rrënjosura nga prindërit e tij.
Ai për asnjë moment nuk e mori në konsideratë marrjen e parave, tha ai. /tesheshi.com/
