Deputeti Alfred Peza ka shpërthyer duke nxjerrë para ish-kolegëve të tij një mori dokumentash që tha se janë deklaratat e tij zyrtare të pasurisë që prej 25 vjetësh.
“Kam pritur gjithë këto ditë të vijnë kolegët e mij që çfarë skanë thënë ndaj meje, që të merrnin prononcimin tim, të kërkonin letrat dhe më pas le të bënin çfarëdo komenti. Por pasi të mblidhnin një për një të gjitha paratë e mija të deklarimit të pasurisë. Kam 15 vjet që i deklaroi, pasi bashkëshortja ime ka qenë subjekt i deklarimit të pasurive”.
Peza, i nxehur edhe me PD-në ka dalë në profesion: “I keni lexuar librat me mafia, ku për të fshehur një krim që ka ndodhur në një anë të qytetit, krijojnë një të tillë në anën tjetër. Për të fshehur transaksionin më të frikshëm që ka ndodhur në një bankë e nivelit të dytë, ku janë tërhequr brenda ditës cash 7 milionë euro, doli ‘skandali im’”.
Unë po hetohem, por po të isha trafikant prostitutash nuk do të hetohesha”, shtoi deputeti ish-gazetar, i cili ka bërë një analogji: “Unë jam 50 vjeç, kam 25 vjet punë e bashkëshortja ime ka 22. Lulzim Basha me 4 vjet punë deklaroi 1 milionë euro. Pse s’bërtiti kush skandal?”
ILDKP ka thënë se po heton të gjithë pasurinë e deputetit socialist, ndërsa Peza reagoi duke u shprehur se e ka mirëpritur këtë hetim. /tesheshi.com/
