Legjenda e Manchester United-it, trajneri që e bëri të famshëm këtë klub, Sir Alex Ferguson, ka shprehur haptazi simpatinë e tij ndaj drejtuesit teknik të Tottenham Hotspur-it, Mauricio Pochettino-s, të cilin e konsideron si një ndër teknikët më të mirë në Premier League. Në këndvështrimin e tij, ai do të ketë shumë sukses në qoftë se në të ardhmen do ta drejtojë Manchester United-in.
Ish-trajneri legjendar i djajve të kuq, i cili bën pjesë në bordin e Manchester United-it, ka dhënë sygjerimin e tij që tekniku argjentinas të jetë pasues i holandezit Luis Van Gaal në fundin e sezonit.
43-vjeçari që aktualisht drejton skuadrën e Tottenham Hotspur-it, e mori ekipin “gjelave” në verën e 2014-ës. Ai ka dëshmuar se është një trajner i nivelit të lartë, pasi po e udhëheq suksesshëm skuadrën në garën për titullin kampion, me vetëm pesë pikë larg Leicester City-t kryesues. /tesheshi.com/
