Rihapet një skenar i frikshëm në Serbi pas lëvizjes properëndimore të Aleksandër Vuçiç, i cili prej dy vjetësh në një linjë edhe me Berlinin zyrtar ka mbështetur një politikë me vendet e rajonit, si Shqipëria por edhe Kroacia.
Shërbime sekrete qeveritare vendase bënë të ditur se ka sinjale të forta që e kërcënojnë shefin e qeverisë së Beogradit.
Ministri i Mbrojtjes, Bratislav Gasiç, deklaroi se ushtria do të marrë në mbrojtje kryeministrin Aleksandër Vuciç i cili është në rrezik për t’u vrarë. Gashiç e bëri këtë deklaratë duke shtuar se ushtria ishte e ngarkuar me ofrimin e sigurisë për Vuçiç, dhe ishte “absolutisht e gatshme për t’iu përgjigjur të gjitha kërcënimeve dhe rreziqeve të sigurisë, të cilat nuk mund në asnjë mënyrë të rrezikojnë kryeministrin”.
Duke folur për rreziqet e sigurisë, dhe duke kujtuar vrasjen e kryeministrit Zoran Gjingjiç, Gasiç tha se “të njëjtët aktorë janë në skenë në Serbi edhe sot. Këto janë aktorë politiko-kriminalë dhe manjatë mediash që kanë qenë në të njëjtën pozitë kur ka ndodhur dhe ngjarja tragjike e vrasjes së Gjingjiçit”, tha Gasiç.
Kreu i Mbrojtjes serbe, në të njëjtën kohë vuri në dukje se “varësia e të gjitha shërbimeve të sigurisë siguron të dhëna të mjaftueshme që trajtohet çdo ditë nga një staf vendosur i posaçërisht në Ministrinë e Mbrojtjes”, për të cilën, shtoi ai, “nuk mund të japin më shumë detaje.”
Zoran Gjingjiç, kryeministri serb i ardhur në pushtet pas rrëzimit të Millosheviçit, i cili arrestoi më pas kundërshtarin e tij të akuzuar për krime lufte, u vra në vitin 2003 nga një grup mafioz i lidhur me grupime politike në pushtet dhe supestrukturën e biznesit në vend. Shumë shërbime perëndimore lidhen edhe grupime mafioze rajonale dhe janë të lidhura po ashtu me struktura që synojnë destabilizimin e Ballkanit. /tesheshi.com/
