Një aleat i shquar i Donald Trump i ka bërë thirrje atij që të heqë dorë nga përpjekjet për të kthyer humbjen elektorale që pësoi në zgjedhjet presidenciale të 3 nëntorit nga demokrati Joe Biden, raportoi BBC të hënën.
Ish-Guvernatori i New Jersey, Chris Christie e quajti ekipin ligjor të presidentit një “turp kombëtar”.
Presidenti Trump ka refuzuar të njohë zgjedhjet, duke bërë akuza të pabazuara për mashtrim të gjerë zgjedhor.
Shumë republikanë mbështetën përpjekjet e tij ligjore dhe një numër i vogël por në rritje i republikanëve nuk pajtohen.
Të shtunën, Trump pësoi një goditje të madhe në Pensilvani, pasi një gjykatës refuzoi një proces gjyqësor nga ekipi i tij për të anuluar miliona vota të dërguara me postë në atë shtet,.
Në vendim, gjykatësi Matthew Brann tha se gjykatës së tij iu paraqitën “argumente të tensionuara ligjore pa arsye dhe akuza spekulative”.
Ky veprim i hap rrugën Pensilvanisë për të konfirmuar fitoren e Biden të hënën më vonë, i cili kryeson atje me më shumë se 80,000 vota.
Sidoqoftë, fushata e Trump po apelon verdiktin. /tesheshi.com/
