Pas Komisionit Europian, vulën nëse Shqipërisë do t’i happen apo jo negociatat me BE-në, do t’ja vërë kancelarja gjermane Angela Merkel, e cila ka thirrur Edi Ramën në Berlin për t’ja thënë personalisht dhe publikisht vendimin e mendimin e saj.
Këtë e bëri të ditur një nga deputetët e rëndësishëm të partisë së Merkelit, i cili prej vitesh është kritik me Edi Ramën dhe i afërt me Lulzim Bashën.
Bëhet fjalë për Gunther Krichbaum, kryetari i komisionit parlamentar për çështjet e Bashkimit Europian në Gjermani.
Krichbaum, i tha Deutsche Welle se rekomandimi i komisionit nuk do të jetë dokumenti i vetëm që do të merret parasysh para se Bundestagu të miratojë hapjen e negociatave.
“Mesazhi ynë është i njëjtë për të gjithë. Duhen implementuar reformat, sepse ato nuk bëhen për të na bërë ne në Berlin një favor, por reformat bëhen për të çuar përpara vendin.
Ndaj unë pres në këtë drejtim një luftim më të vendosur të korrupsionit, të krimit të organizuar, sigurisht nevojiten edhe reformat ekonomike, kështu që ka ende shumë punë.
Grupi parlamentar i CDU/CSU është më i madhi në parlamentin gjerman. Prandaj dhe vota e tij për fillimin e negociatave të Shqipërisë është e domosdoshme.
Por, nga ana tjetër, ajo votë do të influencohet në masë të madhe nga kryetarja e CDU-së, njëkohësisht kancelarja e Gjermanisë, Angela Merkel.
Dhe, nëse ajo është për fillim të menjëhershëm të negociatave apo jo, këtë shpresojmë ta mësojmë javën e ardhshme, kur të takohet në Berlin me kryeministrin e Shqipërisë, Edi Rama”, tha deputeti gjerman. /tesheshi.com/
