Kanë dalë më të zbutura partitë e vogla opozitare pas një takimi me ambasadorin e Bashkimit Evropian në Tiranë, Luigi Soreca.
Në emrin e tyre foli Mediu, i cili tha se presidenti duhet të thërrasë një tryezë të partive.
“Ky është një takim i thirrur nga ne sepse është e nevojshme të gjejmë një zgjidhje që t’i shërbejë interesave të Shqipërisë. Secili duhet të luajë rolin e vet.
Presidenti duhet të thërrasë tryezën e partive politike për të parë nëse janë plotësuar kushtet për zgjedhje të lira e të ndershme.
Me kontributin e të gjitha palëve politike ne të arrijmë të sigurojmë zgjedhje të lira e të ndershme dhe përfaqësimin e të gjitha subjekteve politike”, tha Mediu, duke patur në krah dhe Shehin, Ndokën e Dulen, por jo Idrizin.
Dy ditë më parë, ata, në emër të siglave që përfaqsojnë, firmosën një pakt opozitar, duke iu përmbajtur gjithashtu përbetimit për mospjesëmarrje në zgjedhje me Ramën në krye të qeverisë. /tesheshi.com/
