Kryeministri Albin Kurti zhvlerësoi taksën anti-serbe të Haradinajt, duke thënë se “aplikimi i tarifës 100 përqind u shfrytëzua nga pretekstet për të refuzuar dialogun dhe Kosova u bë subjekt i trysnisë ndërkombëtare”.
Gjatë një fjalimi në parlament, Kurti mbrojti idenë e reprocitet, që sipas tij do ketë më shumë produktivitet.
“Me reciprocitetin dialogu mund të shërbejë për zgjidhjen e pengesave një nga një”, theksoi Kurti.
Ndërkohë, jo Haradinaj por vëllai i tij Daudi, mbrojti vënien e taksës duke mos qenë dakort dhe për heqjen e saj.
“Taksa u vendos kundër Serbisë dhe asnjëherë të vetme nuk është vendosur ndaj aleatëve tanë që e ndihmuan shtetësinë e Kosovës. Presioni për heqjen e taksës edhe pse ishte i madh, nuk i lëkundi institucionet tona. Kosova nuk duhet as tash të dorëzohet ndaj Serbisë”, theksoi Haradinaj. /tesheshi.com/
