Asnjë vetëvendoës, as ata të dorëhequrit nga pozitat, nuk kanë marrë guximin që ta sfidojnë Albin Kurti për kryetar të Vetëvendosje-s në zgjedhjet e brendshme që ky subjekt do t’i mbajë në muajin shkurt. Kështu ka bërë të ditur Ismajl Kurteshi, Sekretari Organizativ i kësaj partie, pas mbledhjes së Kryesisë ku u disktua për përçarjet.
Kurteshi ka thënë se Kryesia do të vazhdojë të takohet për të tejkaluar problemet me të cilat janë ballafaquar këto ditë.
Ai po ashtu ka thënë se e përkrah letrën e 80 aktivistëve nga vendi dhe diaspora që të ketë një riorganizim të përgjitshëm në VV, si dhe ka përshëndetur kthimin në Kryesi të Albulena Haxhiut.
Ai ka thënë se do të mbajnë mbledhje të tilla edhe ditët në vijim për të diskutuar për problemet e fundit. /tesheshi.com/
