Deputeti i Lëvizjes Vetëvendosje, Albin Kurti ka thënë se shteti po merret peng jo vetëm nga Kadri Veseli, por edhe nga Serbia me partinë e saj si aksionere vendimtare për kreun e Kuvendit e të qeverisë.
Sipas tij, 62 votat që votuan dje kryeparlamentarin e nesër duan ta votojnë kryeministrin, janë shumicë në Kuvend, mirëpo, veçse teknikisht.
Në anën tjetër, Kurti tha se te 58 deputetët e tjerë, ka shumë më tepër vota qytetarësh të Kosovës dhe ato janë shumica shqiptare.
“Që prej konstituimit të Kuvendit tani kapja e shtetit po ndahet në ujdi me Serbinë. Kosova nuk është vetëm shtet i kapur. Shteti i Kosovës po merret peng, jo vetëm nga Kadrija, por edhe nga Serbia, me strukturat paralele si mbetje e okupimit në çerekun e territorit të vendit tonë. Me partinë e saj si aksionere vendimtare për kreun e Kuvendit e të Qeverisë. Nuk është hera e parë që shqiptarëve u duhet të përballen me krajl e me mbret”, ka shkruar ai në Facebook. /tesheshi.com/
