Kryeministri i Kosovës Albin Kurti sfidoi të dërguarin Grenell, i cili ka shtuar ditët e fundit dozat e kërkesës për heqjen e taksës, e njëherësh ka rrëzuar skemën e Kurtit për reprocitet.
Ky i fundit u kap sërish te një kredo e Trump-it në marrëdhëniet ndërkombëtare, për të përligjur tezën e tij.
Megjithatë, sipas tij, çështjet në Ballkan dhe raportet Kosovë-Serbi janë pak të ndjeshme. Në këtë kontekst, Kurti ka pohuar të ketë dëshmuar vullnet për ta hequr taksën.
“Parimin e reciprocitetit do të elaborojmë. Trumpi ka deklaruar se ‘reciprociteti është fjala ime e favorshme’.
Ta zëmë Kosova mund ta zbatojë reciprocitetin por nuk po e bënë. Me targa të Kosovës nuk hynë dot në Serbi. Këtë do të mund ta bënte edhe Republika e Kosovës, dhe kështu është reciprociteti. Ne kemi të drejtë të mos lejojmë mauna të Serbisë sepse nuk kemi marrëveshje për transportin rrugor. Ne po shkojmë ngadalë, mençur, sigurt dhe do të elaborojmë saktë se çfarë i bie reciprociteti”, ka thënë Kurti.
Ai tha se mbetet i gatshëm ta heqë taksën, ama vetëm më kushtin e reprocitetit.
“Unë kam treguar vullnet për heqjen e tarifës 100 për qind dhe kjo të bëhet posa të vendoset parimi i reciprocitetit. Nuk besoj se ka nevojë edhe taksë edhe reciprocitet”, tha njeriu që udhëheq Kosovën prej më pak se dy javësh.
Deklarimet e Kurtit u bënë gjatë një interviste në KTV në emisionin “Rubikon” të Adriatik Kelmendit. /tesheshi.com/
