Albin Kurti do jetë sërish në krye të Vetëvendosjes. Pas një krize të pazakontë në partinë që themeloi, e nga drejtimi i së cilës u largua pak vite më parë, ai është kthyer sërish, me një votim pa asnjë rival.
98.82 % e anëtarësisë së Lëvizjes Vetëvendosje ka votuar për Albin Kurtin kryetar, ndërsa vetëm 0.61% kanë votuar kundër, 0.57 % kanë abstenuar dhe 0.26 vota janë të pavlefshme.
Komisioni Zgjedhor i Përgjithshëm i VV-së konstaton se në këtë proces votimi për kryetar të Lëvizjes Vetëvendosje janë shënuar rekorde në pjesëmarrjen e anëtarëve në zgjedhje në shumicën e Qendrave të Lëvizjes Vetëvendosje në Kosovë si dhe në Qendrat në mërgatë, qoftë sa i përket numrit të votave qoftë në përqindjen e pjesëmarrjes.
Ndërkohë është nënkryetarja e kësaj partie Fatmire Kollçaku, e cila ka uruar e para Albin Kurtin për postin e kryetarit.
“Na priftë e mbara me kryetar Albin Kurtin!”, shkruan Kollçaku në Facebook. /tesheshi.com/
