Mospjesëmarrja e deputeteve të PDK-së, Flora Brovina e Blerta Deliu-Kodra, ka bërë që Gjykata Themelore në Prishtinë të marrë vendim për shtyrjen e seancës ndaj katër deputetëve të Lëvizjes Vetëvendosje për hedhjen e gazit lotsjellës në Kuvend, vitin e kaluar.
Dy deputetet e PDK-së pritej të dëshmonin kundër kolegëve të tyre, Albulena Haxhiut, Donika Kadaj-Bujupit e Faton Topalli e Albin Kurti, si palë e dëmtuar në këtë rast. Ky i fundit mungoi për të cilin Gjykata vendosi që dorëzojë ftesë të rregullt për seancën e radhës, por nëse do të ketë mungesë përsëri ajo do të lëshojë urdhëresë për paraburgim.
Deputetja e VV-së, Albulena Haxhiu ka thënë se nuk e di arsyen pse Kurti nuk është paraqitur në gjykatë por thotë se mund të ndodhë që të ketë pasur ndonjë angazhim tjetër.
Për mosparaqitjen në seancë ka folur edhe deptutetja e PDK-së, Blerta Deliu e cila ka deklaruar se nuk ka marrë pjesë për shkaqe shëndetësore.
“Do të jem prezentë seancën tjetër për të dhënë deklaratën time lidhur me gazin lotsjellës. Do të jem e gatshme kurdoherë t’u përgjigjem institucioneve tona në secilën kërkesë”, ka theksuar Deliu, për mediat kosovare.
Mbetet të shihet në seancën e radhës gjyqësore nëse do të paraqitet Kurti, nëse jo do të rikthehet arrestimi i deputetëve opozitarë. /tesheshi.com/
