Albin Kurti nisi ditën si kryeministri i ri Kosovës, duke u ulur aty ku deri dje qëndronte Ramush Haradinaj. Edhe njëherë, ai shpalosi moralin qeverisës para nisjes së vendimmarrjeve, ku tha se “ky kabinet është i qytetarëve dhe ne punojmë për ta.
“Energjia dhe entuziazmi i qytetarëve duhet të jetë motor për punën tonë dhe s’duhet të pushojmë derisa ta shpërblejmë qytetarin. Më shumë do të rrimë në këmbë për shkak të punëve që na presin. Programi ynë është ambicioz aq sa janë pritjet e qytetarëve”.
Sytë e popullit tashmë janë tek ky kabinet qeverisës, rrjedhimisht tek secili prej jush”, tha Kurti, duke kaluar në planin konkret.
Ministri i Bujqësisë do të kalojë më shumë kohë me fermerët e Ministri i Shëndetësisë me mjekët dhe pacientët e të mos jepni urdhëra nga kolltuqet. Shanset për sukses i kemi të mëdha por duhet të punojmë”, qenë mesazhet e tjera të Kurtit. /tesheshi.com/
