Kryeministri Kurti tha se Kosova nuk ka frikë nga ajo që po ndodh në Ukrainë, por është e kujdesshme, duke pasur parasysh, siç tha, faktin që Serbia ka mbi 40 baza ushtarake afër kufirit me Kosovën.
Në një intervistë për televizionin zviceran Blick, Kurti tha se Kosova ende ka NATO-n dhe BE-në në territorin e saj, të cilat garantojnë sigurinë për qytetarët.
“Nuk kemi frikë, por jemi shumë zgjuar. Serbia ka më shumë se 40 baza ushtarake në kufirin me Kosovën. Por ne kemi NATO-n, edhe nëse nuk jemi anëtare, dhe kemi BE-në. Me partnerët tanë perëndimorë, ne e shikojmë të ardhmen me shpresë”, tha Kurti.
Sipas tij, presidenti rus Vladimir Putin mund të synojë një vend tjetër përveç Rusisë, me synimin për të detyruar negociatat me presidentin amerikan Joe Biden, dhe ky vend mund të jetë në Ballkan, pasi është më afër Perëndimit.
“Serbia dhe Rusia kanë lidhje shumë të ngushta. Në vitin 2012 u zhvilluan dy aktivitete të përbashkëta ushtarake mes dy vendeve. Ishin njëqind prej tyre vitin e kaluar. Serbia nuk e ka dënuar ende aneksimin e Krimesë apo pushtimin e Ukrainës. Kësaj i shtohet edhe fakti se presidenti despotik Putin mund ta çojë luftën në një vend tjetër për të detyruar negociatat me Presidentin Biden. Ballkani, edhe më afër Perëndimit, mund të jetë objektivi i tij”, arsyetoi i pari i qeverisë kosovare.
Gjithsesi, ajo që s’thuhet është fakti se garancia më e madhe që Rusia mos guxojë të ndezë Ballkanin është Turqia. Të synosh Ballkanin, do të thotë që para se të kesh hesape me Perëndimin, të kesh direkt me Turqinë. /tesheshi.com/
