Lideri i Lëvizjes Vetëvendosje, Albin Kurti, kandidat për kryeministër pas zgjedhjeve të 6 tetorit, u ka thënë mbështetësve të tij në Gjakovë se Kosova nuk i ka as edhe një borxh Serbisë, por kjo e fundit i ka Kosovës.
Nën këtë frymë, ai propozon aktivizimin e prokurorëve specialë në Kosovë, të cilët duhet të gjykojnë krimet serbe.
“Ne nuk i kemi asgjë borxh Serbisë, por ajo na ka borxh neve. Më e pakta është të rikujtojmë plagët e hapura, por një ndër përgjegjësitë e prioritetet kryesore të miat si kryeministër do të jetë që të shërojmë ketë plagë të hapur për të gjithë shoqërinë. Duhet të shtohet numri i prokurorëve specialëqë merren me krimet e luftës dhe përkrahje profesionale dhe financiare për ta.
Është krim mbi krimin mungesa e drejtësisë për krimin, mungesa e dënimit të kriminelëve serb dhe zhdëmtimi i viktimave nga Gjakova e nga Kosova”, tha Kurti. tesheshi.com/
