Kandidati i Vetëvendosjes për kryeministër, Albin Kurti vazhdon të shpreh kundërshtimin e tij kundër themelimit të Asociacionit të komunave me shumicë serbe, apo siç e quan ai “Zajednica”, pasi mendon se Kosova do të ndahej në entitetin kosovar dhe në atë serb.
Kurti, në intervistën për gazetën e Beogradit “Veçernji novost”, është përgjigjur se Asosacioni bie ndesh me 23 nene të Kushtetueses së Kosovës dhe se është projekt i Beogradit.
“E ka pranuar qeveria e korruptuar e Kosovës. Me anë të AKS-së do të pasonte federalizmi i Kosovës në entitetin kosovar e në atë serb, me ç’rast Serbia nuk e njeh Kosovë shtet sovran”, ka thënë Kurti duke shtuar se në këtë mënyrë Kosova do të shndërrohej në “Bosnjë të dytë”.
Kurti ndërkaq ka përsëritur qëndrimin tashmë të njohur se nëse vjen në pushtet do ta ketë , prioritet dialogun me serbët e Kosovës, dhe se është kundër dialogut me temat që i cakton Beogradi. /tesheshi.com/
