Në fjalimin e tij të para para deputetëve, kryeministri në pritje Albin Kurti shpalosi programin ekonomik të qeverisë së tij, duke ofruar një shifër konkrete, atë të buxhetit 3 miliard.
”Do të jemi qeveri për punëtorë, për punëtorët me shumë të drejta. Paga minimale e orët e punës maksimale do ta mbrojnë dinjitetin e punëtorit.
Buxheti i Kosovës do të arrijë 3 miliardë euro gjatë mandatit tonë qeverisës. Do të evitohen të gjitha shpërdorimet financiare”, tha Kurti.
Ai veçoi si tregues faktin se dhe numri i ministrive e zëvëndësministrave do jetë më i vogël me të në udhëheqje.
“Do të jemi qeveri e kushtëzimit të parasë publike.
Para meje do të jenë 15 ministra, e jo 21 sa ishin më herët. Do të kemi 33 zëvendësministra dhe jo mbi 80 sa ishin më herët”, theksoi Albin Kurti.
Ndërkohë, ai premtoi të fshijë atë për të cilën më së shumti ka ngritur akuza gjetë viteve në opozitë.
“Agjencia Kosovare e Privatizimit do të shuhet si e tillë dhe do të formohet brenda qeverisë”, theksoi njeriu që pritet të votohet si kryeministër i ri i Kosovës. /tesheshi.com/
