Edhe njëherë, ish-kryeministri Albin Kurti shtjelloi tezën e tij të një “qeverie Hoti”, referuar asaj “Hoti”, e cila i zuri vendin kabinetit të tij pas një zhvillimi politik jo të zakontë, ku protagonist ishte dhe presidenti Thaçi.
“Kur ne themi se këtë qeverinë aktuale e konsiderojmë si qeveri Koti dhe të paligjshme ne kemi thënë krejt çka është e nevojshme të thuhet për këtë qeveri , çdo gjë tjetër mund të jetë veçse përsëritje, nuk e kanë as legjitimitetin as kredibilitetin. Kemi nevojë për zgjedhje të reja në mënyrë që të dalim me Kuvendin të ri dhe të kemi rikthim të qeverisjes së mirë e cila në këta katër muaj e ka ndalur edhe gjakderdhjen financiare e ka zvogëluar vetën, i ka ulur pagat vetvetes edhe e ka forcuar shtetin. Por, për këtë gjë pas peticionit natyrisht duhet të vijë realizimi i këtij vullneti të qytetarëve për një freskim të legjitimitetin institucional.
Tash qartazi janë duke e pritur Serbinë sepse ajo i ka zgjedhjet dhe do ketë edhe qeveri të re, sepse e kanë Serbinë brenda në mënyrë vendimmarrëse…Qeveria Koti e ka edhe marrëveshjen me qeverinë serbe, edhe varet jo vetëm nga Lista Serbe por edhe nga secili deputet i Listës Serbe. Deputeti i Listës Serbe as për së afërmi nuk ka vendimmarrje në Listën Serbe sa ka vendimmarrje në qeverinë e Kosovës. Një deputet të Listës Serbe po ia hoqe kësaj qeveria kolapson ndonëse nuk mund të thuash se qëndron edhe ashtu”, tha Kurti gjatë një interviste për KosovaPress
Ai edhe njëherë dënoi heqjen e reprocitetit ndaj Serbisë, për çka ka thirrur dhe interpelancë.
“Mendojë që është shumë mirë që po bëjnë interpelancë për ta mbrojtur reciprocitetin, meqenëse është i pashembullt jo vetëm në historinë tonë që dikush t’ia heqë vetës të drejtën sovrane për raporte reciproke me fqinjët, e në këtë rast para se gjithash e mbi të gjithash me Serbinë. E cila me qëndrimet e veta dëshmon se është vend dhe shtet armiqësor ndaj nesh. Pra, nuk ka kuptim që shteti i pavarur vetvetes t’ia heq reciprocitetin me një vend i cili tregohet armiqësor”, deklaroi njeriu që qeverisë Kosovën për afro tre muaj, duke i bërë një rezistëncë në kërkesa faktorit ndërkombëtar. /tesheshi.com/
