Kombëtarja e Kosovës do të zhvillojë dy ndeshjet e fundit të grupit i të kualifikimeve për Kampionatin Botëror – ‘Rusia 2018’.
Në tetë ndeshjet e deritashme, Kosova ka vetëm një barazim me Finlandën me rezultat 1:1, ndërsa në të gjitha rastet e tjera ka regjistruar humbje.
Kosova është e fundit në grup me një pikë, por synon që ta befasojë Ukrainën (në Shkodër) apo Islandën (në Reikjavik).
Albert Bunjaki, shpalli listën e futbollistëve për sfidën e 6 tetorit me Ukrainën dhe me 9 tetor me Islandën, ku edhe mbyllet perdja e fazës së grupeve për kualifikime.
““Mund te befasojmë ne dy ndeshjet. Në ndeshje me Ukrainën do të luajmë për fitore. Është një kundërshtar që na përshtatet, por është shumë i rrezikshëm. Nëse pjesën e parë luajmë 0:0, në pjekën e dytë mund të ndodh gjithçka”, tha Bunjaki.
Bunjaki në dy ndeshjet e radhës nuk do të ketë në dispozicion lojtarët si: Benjamin Kololli, Herolind Shala, Arbër Zeneli e Enis Alusi, të cilët janë të lënduar.
Pas një kohe rikthehet në kombëtare edhe Flamur Kastrati, ndër shënuesit më të mirë në Norvegji.
Lista:
Portierë: Samir Ujkani (Cremonese), Visar Bekaj (Prishtina), Bledar Hajdini (Trepça ’89)
Mbrojtës: Amir Rrahmani (Dinamo), Bajram Jashanica (Skënderbeu), Mërgim Vojvoda (Muescron), Alban Pnishi (Grasshoppers), Ardin Dallku (Vorskla Poltava), Fidan Aliti (Skënderbeu), Lear Paçarada (Sandhausen), Lirim Kastrati (Roma)
Mesfushorë: Hekuran Kryeziu (Luzern), Besar Musolli (Kukësi), Bernard Berisha (Akhmat), Besar Halimi (Brondby), Valon Berisha (Salzburg), Flamur Kastrati (Sandefjord), Donis Avdijaj (Schalke 04), Milot Rashica (Vitesse), Bersant Celina (Ispëich)
Sulmues: Elbasan Rashani (Odd), Atdhe Nuhiu (Sheffield Ëed) e Vedat Muqiri (Gencelerbirligi). /tesheshi.com/
