Trajneri i përfaqësueses së Kosovës në futboll, Albert Bunjaki, pret ndeshje të vështirë nesër mbrëma kundër Ukrainës pasi ka shumë mungesa në formacion.
“Na pret një ndeshje shumë e vështirë kundër Ukrainës. Jemi takuar më herët, por pres që kjo të jetë një ndeshje më ndryshe, duke pasur parasysh peshën, rëndësinë që ka kjo sfidë për Ukrainën.
Kemi shumë mungesa nesër, për një Kombëtare të re nuk është e lehtë, por do të jetë e mirë për lojtarët e rinj që të marrin minuta. Nuk jam i befasuar që Ukraina është këtu ku është që ndoshta edhe mund të fitojë Grupin.
Në këtë moment për Kosovën nuk është më rëndësi kush është lider i grupit, por paraqitja jonë, ndoshta edhe për të befasuar”, ka deklaruar.
Ndeshja mes Kosovës dhe Ukrainës zhvillohet të premten në orën 20:45 në Shkodër në stadiumin “Loro Boriçi”. /tesheshi.com/
