Duke kërkuar dru zjarri, Tyler Ivanoff në Alaskë gjeti një shishe që përmbante një mesazh të vitit 1969, sipas BBC-së.
Letra ishte e shkruar në rusisht. Ai fotografoi shishen dhe letrën dhe i postoi në Facebook.
Letra u shkrua në 20 qershor 1969 nga një marinar i anijes ruse Sulak. Gazetarët rusë kanë përcaktuar se autori i letrës ishte kapiteni Anatoli Botsanenko.
Ivanoff theksoi se e gjeti letrën 32 kilometra larg fshatit të tij Shishmaref ndërsa kërkonte dru zjarri.
Autori shkroi si vijon:
“Përshëndetje nga lindja e largët, ku ndodhet flota ruse e VRXF Sulak. Shpresoj të gjesh shishen dhe të lutem përgjigju në adresën e mëposhtme: Vladivostok – 43 BRXF Sulak. Ne ju dëshirojmë shëndet të mirë, jetë të gjatë dhe navigim të lumtur. 20 qershor 1969”.
Kur Kapitenit Botsanenko, tani 86 vjeç, i thanë se ishte gjetur një letër, ai filloi të qajë nga gëzimi. Ai tha për kanalin televiziv rus Rossiya 1:
“Nuk duket si shkrimi im. Por po, shiko! Industria Lindore e flotës së peshkimit! I-I-R-F!”
Botsanenko mbikëqyri ndërtimin e anijes Sulak në vitin 1966. Deri në vitin 1970, ai e kishte lundruar me të. /tesheshi.com/
