Policia belge lajmëron se një grup terrorist i Shtetit Islamik ka lënë gjatë ditëve të fundit Sirinë dhe është drejtuar për në Europë, ku po planifikohen sulme në Belgjikë dhe në Francë.
Lajmi është bërë i ditur gjatë ditës së sotme nga burime policore të Belgjikës. Qendra e krizave në Belgjikë, e cila është e ngarkuar për të koordinuar forcat e sigurisë, shprehet se ky alarm po qarkullon në të gjitha forcat policore të vendit, por për momentin ende nuk ka asnjë plan për rritjen e nivelit të sigurisë në maksimum.
Gazeta DH raporton se “një grup i ISIS ka lënë Sirinë rreth një javë e gjysmë më parë dhe është drejtuar për në Europë, duke kaluar nga Turqia dhe Greqia, të pa pajisur me pasaporta dhe dokumente të tjera”, por nuk ka dhënë një datë të saktë se kur ka nisur ky rrugëtim. /tesheshi.com/
