Vendimi i mundshëm i Kushtetueses për të bllokuar vettingun ka alarmuar Bashkimin Europian, qw ka sjellë në Tiranë një zyrtar të lartë, i cili pritet të ketë takime me kryetarin e Gjykatës Kushtetuese, Bashkim Dedja.
Grupi Ndërkombëtar i Monitorimit, që ka si koordinator real gjermanin Reinhard Priebe të dërguar direkt nga Angela Merkel, ka dërguar një relacion të fortë në Bruksel, ku bën të ditur se nëse Kushtetuesja vendos të pezullojë nenet e vettingut të kërkuar nga Shoqata e Gjyqtarëve, ata do të pezullojnë misionin.
Burime diplomatike i bënë të ditur tesheshi.com se ka mundësi që Komisioni Europian të marrë masa drastike për gjytarët e Kushtetueses nëse ata vendosin të bllokojnë vettingun.
Një nga këto masa mund të jetë ndalimi i udhëtimit në vendet Shengen dhe bllokimi i të gjitha aseteve të tyre në territorin e BE-së.
Ndërkaq, sanskione të forta pritet të ndërmerren edhe për ata që cilësohen si politikanë që po përkrahin apo kanë mbështetur kërkesën nga gjyqtarët për të bllokuar vettingun.
Pikërisht ky qëndrim drastik i BE-së ka frikësuar politikanët në Tiranë, të cilët kanë ecur me shpejtësi për të zgjedhur komisionin e parë të vettingut, siç është Kolegji i Apelimit. Në këtë institucion është zgjedhur edhe Ina Rama, ish-kryeprokurorja e Republikës.
Kolegji i Apelimit është zgjedhur me votat e përbashkëta të PD-së, PS-së dhe LSI-së në komisionin ad hoc për vettingun.
Nga votimi elektronik rezultuan fitues Ardjan Hajdari, Natasha Mulaj, Sokol Çomo, Ina Rama, Luan Daçi dhe Albana Shtylla.
Opozita shprehu skepticizëm sa i takon kandidimit të ish-Prokurores së Përgjithshme Ina Rama, duke ngritur pikëpyetje pikërisht për të shkuarën e saj në krye të organit të akuzës.
Emrat:
Ardjan Hajdari
Natasha Mulaj
Sokol Çomo
Ina Rama
Luan Daçi
Albana Shtylla
Anëtari i shtatë i Kolegjit të Apelimit:
Rezarta Schutz – rezultoi fituese pas shortit me gogla.
Dy anëtarët zëvendësues në Kolegjin e Apelimit:
Mimoza Tasi
Etleva Paplekaj. /tesheshi.com/
